საფრანგეთის პრეზიდენტობის კანდიდატის, ფრანსუა ფიიონის განცხადებით, მის მიმართ წაყენებული ბრალდებები უსაფუძვლოა და იმედი აქვს, რომ სასამართლო მის უდანაშაულობას დაადასტურებს.

ფიიონმა ასევე აღნიშნა, რომ მის მიმართ წაყენებულ ბრალდებებს დაგეგმილი თავდასხმის ხასიათი აქვს.

გუშინ საფრანგეთის პრეზიდენტობის კანდიდატს, სახელმწიფო სახსრების მითვისების საქმის გამოძების ფარგლებში, მეუღლის ფიქტიური დასაქმების საკითხზე ოფიციალური ბრალდება წაუყენეს.

გამოცემის ინფორმაციით, სახელმწიფო ბიუჯეტიდან პენელოპა ფიიონმა, ანაზღაურების სახით, 900 ათასი ევრო მიიღო. 2005-2007 წლებში კი სენატში მუშაობის პერიოდში ფიიონმა თავის აპარატში ფიქტიურად დაასაქმა თავისი შვილები, რაშიც მათ, ანაზღაურების სახით, 84 ათასი ევრო აიღეს.