იუსტიციის სამინისტრომ ადამიანის უფლებათა ევროპულ სასამართლოში საქართველოდან ასარჩევად წარსადგენი მოსამართლეობის მსურველთა განაცხადების მიღების ვადა ერთი თვით გაახანგრძლივა.

პროცესი გუშინ უნდა დასრულებულიყო, თუმცა უწყების გადაწყვეტილებით, განაცხადები 13 აპრილამდე მიიღება. სამინისტრომ შესაბამისი განცხადება ოფიციალურ ვებ-გვერდზე გამოაქვეყნა.

საქართველოს მხრიდან წარდგენილი სამი კანდიდატიდან ადამიანის უფლებათა ევროპული სასამართლოს მოსამართლეს ევროპის საბჭოს საპარლამენტო ასამბლეა აირჩევს.