ისრაელის ფილარმონიული ორკესტრი, მაესტრო ზუბინ მეტას დირიჟორობით, სექტემბერში საქართველოში ჩამოვა. ზუბინ მეტასთან დაუკრავს ხატია ბუნიათიშვილი.
საერთაშორისო ფონდის „საქართველოს ნაციონალური ოპერა“ ხელმძღვანელის, დავით საყვარელიძის ინფორმაციით, სწორედ ხატია ბუნიათიშვილის დახმარებით მოხერხდა ისრაელის ფილარმონიულ ორკესტრთან კონტაქტის დამყარება.
კონცერტი ეძღვნება „წინანდლის ფესტივალს“, რომელიც 2019 წელს დაიწყებს ფუნქციონირებას.
საყვარელიძის განცხადებით, რამდენიმე დღის წინ მიიღეს ცნობა საქართველოს პრემიერმინისტრისგან, ეკონიმიკის მინისტრისა და კულტურისა და ძეგლთა დაცვის მინისტრისაგან, რომ ისინი დახმარებას გაუწევენ აღნიშნულ პროექტს.
ამ დროისთვის დეტალების დაზუსტება მიმდინარეობს და დამატებითი ინფორმაცია მოგვიანებით გავრცელდება.