„კლივლენდ კავალიერსმა“ NBA-ს მიმდინარე რეგულარულ სეზონში ზედიზედ მესამე შეხვედრა წააგო.

მოქმედი ჩემპიონი ამჯერად ობორნ ჰილზში "დეტროიტ პისტონსთან" დამარცხდა. თავიდან სტუმრებმა კარგად დაიწყეს და პირველი მეოთხედის შემდეგ 7 ქულით დაწინაურდნენ.

ბოლო 12- წუთიან მონაკვეთში კი დეტროიტელები შეუჩერებლები იყვნენ და დასკვნითი მონაკვეთი 33-21 მოიგეს.

მიჩიგანურ კლუბში საუკეთესო 21 ქულით, რეჯი ჯექსონი გახლდათ, მორიგი ორმაგი დუბლი შეასრულა ანდრე დრამონდმა: 20 ქულა და 16 მოხსნა. კავალერებში კი ლებრონ ჯეიმსმა ტრიპლ დაბლი გააკეთა.

"პისტონსმა" ამ მოგების შემდეგ აღმოსავლეთ კონფერენციაში მეშვიდე ადგილზე გადაინაცვლა. რაც შეეხება "კლივლენდს", ტარონ ლიუს გუნდი ამავე კონფერენციაში ჯერჯერობით ინარჩუნებს პირველ პოზიციას, თუმცა "ბოსტონ სელტიქსიც" იქვეა. მათ შორის სხვაობა მხოლოდ ერთ მოგებას შეადგენს.