მე-13 საუკუნის კულტურული მემკვიდრეობის ძეგლის შესაძლო დაზიანებაზე საუბრობს "საყდრისის დაცვის კომიტეტი".
მათი ინფორმაციით, იმ შემთხვევაში თუ ფიტარეთში ოქროს მოპოვებითი სამუშაოები დაიწყება ძეგლი განადგურდება.კომიტეტის წევრების ინფორმაციით, ფიტარეთის მიმდებარე ტერიტორიაზე სამუშაოების დაწყებას კომპანია "არ-ემ-ჯი გოლდი" გეგმავს.
მათი განცხადებით, გასული წლის სექტემბერში ხრამის ხეობაში, სადაც ფიტარეთის გარდა კიდევ არაერთი ძეგლია განთავსებული, გეოლოგიურ დაზვერვით სამუშაოებს კომპანია "სი-ემ-ჯის" კუთვნილი ტექნიკა აწარმოებდა, რომელიც ამავე დროს კომპანია "არ-ემ-ჯი გოლდის" მეპატრონეს ეკუთვნის.
საყდრისის კომიტეტმა 10 ოქტომბერს სამუშაოების შესწავლასთან დაკავშირებით წერილით კულტურული მემკვიდრეობის დაცვის სააგენტოსაც მიმართა.
სატელეფონო საუბარში კომპანია "სი-ემ- ჯის" წარმომადგენლები ბრალდებას უარყოფენ და აცხადებენ, რომ ძეგლიდან მოშორებით მხოლოდ გეოლოგიური შესწავლითი სამუშაოები მიმდინარეობდა.
კულტურული მემკვიდრეობის დაცვის სააგენტოს ხელმძღვანელი კი ამბობს, რომ იმ შემთხევვაში, თუ სამუშაოები დაიწყება, მონიტორინგს გაუწევენ, რათა ძეგლები არ დაზიანდეს.