„საჯარო და კერძო სექტორებს შორის დიალოგის პლატფორმის გაძლიერება საქართველოს პარლამენტში“ - პროექტის პრეზენტაცია დღეს გაიმართა.

პრეზენტაციაზე მიწვეულ დეპუტატებს და სტუმრებს მისასალმებელი სიტყვით პარლამენტის თავმჯდომარემ მიმართა. ირაკლი კობახიძის თქმით, პროექტი ეკონომიკური რეფორმების განხორციელებასა და პარლამენტის ინსტიტუციურ გაძლირებაში დახმარებას უზრუნველყოფს.

კობახიძემ ამერიკის შეერთებული შტატების საერთაშორისო განვითარების სააგენტოს და „ბიზნესისა და ეკონომიკის ცენტრს“ მადლობა გადაუხადა და მჭიდრო თანამშრომლობისთვის მზადყოფნა გამოთქვა.