გერმანიის უმსხვილესი "დოიჩე ბანკი", ახალი აქციების გამოშვების გზით, 8 მილიარდი ევროს მოზიდვას გეგმავს. აქციების გამოშვება 21 მარტს შედგება და ის ბანკის რეფორმის ნაწილია, რომლის მეშვეობითაც, ევროპის უმსხვილესი ბანკი თავისი ორწლიანი კრიზისული მდგომარეობიდან გამოსვლას აპირებს.

მხოლოდ გასულ წელს ბანკი 1.4 მილიარდი ევროს ზარალზე გავიდა. "დოიჩე ბანკის" რეორგანიზაცია სამი მიმართულებით განხორციელდება, ესენია: კერძო საბანკო მომსახურება და ქონების მართვა, აქტივების მენეჯმენტი, ასევე კორპორატიული და საინვესტიციო ოპერაციები. 2018 წლისთვის ბანკი ხარჯების 24 მილიარდიდან 22 მილიარდ ევრომდე შემცირებას გეგმავს.