სანდრო გირგვლიანის და ზურაბ გამცემლიძის მშობლები საქართველოში ევროსაბჭოს ოფისის ხელმძღვანელს სპეციალური განცხადებით მიმართავენ.
დოკუმენტში 8 მარტს, სტრასბურგის სასამართლოში ვანო მერაბიშვილის საქმის განხილვის ობიექტურად წარმართვის მიზნით, ქართველი მოსამართლის ნანა წოწორიას და ვანო მერაბიშვილის ადვოკატის ოთარ კახიძის ბიოგრაფიით დაინტერესებას მოითხოვენ.
გურამ გირგვლიანი და ჯამბულ გამცემლიძე იხსენებენ, რომ ნანა წოწორია, ისევე როგორც ოთარ კახიძე, წლების განმავლობაში ლევან ადეიშვილის კადრებს წარმოადგენენ. შესაბამისად, ისინი აყენებენ ეჭვს იმის თაობაზე, რომ სტრასბურგში ქართველი მოსამართლის კანდიდატურები, შესაძლოა, შეგნებულად ჩავარდა, რომ ამ პირებმა მერაბიშვილის ინტერესების დაცვა მოახერხონ.
კითხვები მათ უფლებადამცველი უჩა ნანუაშვილის მისამართითაც აქვთ.