„შავი ზღვის რეგიონის უსაფრთხოების უზრუნველყოფის საკითხში, საქართველო იქნება არა მხოლოდ მონაწილე, არამედ უსაფრთხოების უზრუნველმყოფი“, - ეს გენერალ პეტრ პაველის განცხადებაა.

თბილისი ნატო-ს სამხედრო კომიტეტს მასპინძლობს. ჩრდილოატლანტიკური ალიანსი მხარდამჭერ გზავნილებთან ერთად, თანამშრომლობის კონკრეტული მიმართულებები განხილვის მთავარი თემა იყო, დღეს, თავდაცვის უწყების ხელმძღვანელ პირებთან გამართულ შეხვედრაზე.

ალიანსის უმაღლესი და მუდმივმოქმედი სათათბირო ორგანოს წევრები, ხვალ, ქვეყნის პირველ პირებს შეხვდებიან. მანამდე კი მათ უკვე მოინახულეს ერთობლივი საწვრთნელი ცენტრი და თბილისიდან კონკრეტული გზავნილები გაუგზავნეს ოფიციალურ მოსკოვს.