როგორია მოქალაეებისთვის ჩამორთმეული ქონების სტატისტიკა. 2016 წელს აღსრულების ეროვნულმა ბიურომ აუქციონზე 1769 პირს გაუყიდა ქონება. ეს ის ადამიანები არიან, რომლებმაც ვალის გადახდა ვერ მოახერხეს. მაჩვენებელი წინა წელთან შედარებით 25,5 პროცენტითაა გაზრდილი.

ორგანიზაცია "საზოგადოება და ბანკები" კვლევის შედეგებს ასაჯაროვებს. ყველაზე მეტი პრობლემები მოქალაქეებს კერძო მევახშეებთან ექმნებათ, რაც გაყიდული ქონების 55 პროცენტს შეადგენს. მეორე ადგილზე - 26 პროცენტით კომერციული ბანკებია, ხოლო მოქალაქეთა 19 პროცენტს ქონება მიკროსაფინანსო ორგანიზაციებში აღებული ვალის გადაუხდელობის გამო გაუყიდეს.