კათოლიკოს-პატრიარქი სამების ტაძარში იმყოფება. ილია მეორე ანდრია კრიტელის ლოცვას ესწრება. უწმინდესის და უნეტარესის ექიმის განმარტებით, ოპერაციის შემდეგომ პატრიარქის ჯანმრთელობის მდგომარეობა დამაკმაყოფილებელია.

გერმანელი მედიკოსების რეკომენდაციით, ილია მეორეს 5-6 კვირის განმავლობაში მშვიდი გარემო და ნაკლები დატვირთვა უნდა ჰქონდეს.

ხვალ და ზეგ პატრიარქი სიონის ტაძარში აპირებს მიბრძანებას. შეგახსენებთ, რომ ილია მეორეს ნაღვლის ბუშტის ოპერაცია ბერლინის კლინიკაში 13 თებერვალს ჩაუტარდა.