სირიელ ოპერატორ ჰალედ ჰატიბს, რომლის ფილმი სირიაში მოქმედ ჰუმანიტარულ ორგანიზაცია „თეთრ ჩაფხუტებზე“ ოსკარზე იყო წარდგენილი, ამერიკაში ჩასვლის უფლება არ მისცეს.

გავრცელებული ინფორმაციით, 21 წლის ოპერატორს ამერიკის ვიზა მისცეს, მაგრამ ავიაკომპანია „თურქიშ ეარლაინსის“ ბორტზე ასვლისას შეაჩერეს.

თვითმფრინავი სტამბოლიდან ლოს-ანჟელესის მიმართულებით მიფრინავდა. ამერიკის ეროვნული უსაფრთხოების დეპარტამენტმა ჰატიბს ქვეყანაში შესვლაზე უარი უთხრა, მიზეზად კი მასზე არსებული „უარყოფითი ინფორმაცია" დასახელდა.