საქართველოს პრემიერ-მინისტმა გიორგი კვირიკაშვილმა, თავდაცვის მინისტრთან და პარლამენტის თავმჯდომარესთან ერთად 1921 წელს გმირულად დაღუპული იუნკრების მემორიალი გვირგვინით შეამკო. „ჩვენ გრძელვადიანი ომი მოსაგები გვაქვს და ეს ომი არის თავისუფალი, დამოუკიდებელი, ნამდვილად ევროპული საქართველოს მომავლის მშენებლობა მხოლოდ და მხოლოდ მშვიდობიანად“ - განაცხადა პრემიერ-მინისტრმა და აღნიშნა, რომ დღევანდელი დღე არის ერთ-ერთი ყველაზე ტრაგიკული საქართველოს უახლეს ისტორიაში.