თბილისის სახელმწიფო უნივერსიტეტის სტუდენტები, სპორტის სამინისტროს ბალანსზე არსებული სპორტული ინფრასტრუქტურით ისარგებლებენ, რაც ხელს შეუწყობს უნივერსიტეტში პროფესიული და მასობრივი სპორტის განვითარებას. ამის შესახებ, სპორტისა და ახალგზარდობის საქმეთა მინისტრი, ტარიელ ხეჩიკაშვილი და თბილისის სახელმწიფო უნივერსიტეტის რექტორი, გიორგი შარვაშიძე, სამინსტრიშო გამართულ შეხვედრაზე შეთანხმდნენ.
რექტორის გადაწყვეტილებით, აღდგება ალპინიადების ჩატარების ტრადიცია და პირველი შეჯიბრი შემოდგომაზე გაიმართება.
თსუ-ის ხელმძღვანელობა ასევე გეგმავს არაერთი საინტერესო ტურნირის ჩატარებას. შეხვედრაზე, რომელსაც მინისტრის მოადგილეები, შალვა გოგოლაძე და რევაზ ჯაველიძე ესწრებოდნენ, დაიგეგმა ურთიერთთანამშრომლობის მემორანდუმის გაფორმება, რომელიც სტუდენტებს სხვადასხვა სპორტული ორგანიზაციების მხარდაჭერის საშუალებას მისცემს, ასევე სამინისტორსა და უნივერსიტეტს შორის თანამშრომლობის გაღრმავებას შეუწყობს ხელს.