ე.წ ფარულ მოსმენებთან დაკავშირებული საკანონმდებლო ცვლილების განხილვას პარლამენტი პირველი მოსმენით დაუბრუნდა. ოპოზიციის წევრები პროექტს აკრიტიკებენ. მათი შეფასებით, სახელმწიფო უსაფრთხოების სამსახურს მიყურადებაზე წვდომა კვლავ ექნება, რაც უკანონო ქმედებების რისკს ზრდის.

პროცედურის დარღვევის მოტივით, პარლამენტის თავმჯდომარემ განხილვისას უმცირესობის ორ წარმომადგენელს მიკროფონი გამოურთო.

უმრავლესობის წევრების შეფასებით კი მომზადებული პროექტი მიყურადების რეგულირების საუკეთესო საშუალებაა. თუმცა არ არის გამორიცხული გარკვეული ცვლილებები კიდევ დამუშავდეს.