საკონსტიტუციო სასამართლოდან პარლამენტში დაბრუნებული კანონის გარშემო დისკუსია გრძელდება.

ფარული მიყურადების შესახებ ცვლილებების პაკეტს მობილური ოპერატორები აპროტესტებენ. სადავოა პროექტის ის ნაწილი, რომელიც ფარული მოსმენების დროს საკომუნიკაციო კომპანიების ვალდებულებებს ეხება.

„მაგთის” და „ჯეოსელის” წარმომადგენლები შიშობენ, რომ კანონის მსგავსი რედაქციით ამოქმედება მათ ფინანსურ ხარჯებს გაუზრდის.

საპირისპიროს ამტკიცებენ ცვლილებათა პაკეტის ავტორები. კერძო კომპანიებთან ერთად, მმართველი გუნდის დაპირების არც საპარლამენტო ოპოზიციას სჯერა.

ხელისუფლების ოპონენტები პრეზიდენტს ვეტოსკენ მოუწოდებენ.