ბრიტანულ-დანიური ენერგოგიგანტი "შელი" და იაპონიის უმსხვილესი ავტომწარმოებელი "ტოიოტა", კალიფორნიაში, წყალბადის საწვავზე მომუშავე ავტომობილებისთვის, საწვავის გასამართი შვიდი სადგურის მშენებლობას ერთობლივად აპირებენ.

პარტნიორები 2024 წლისთვის, აღნიშნული სადგურების რიცხვის 100-მდე გაზრდას გეგმავენ კალიფორნიაში, სადაც ყველაზე მკაცრი მოთხოვნებია ჰაერის დაბინძურების შეზღუდვაზე.

ორივე კომპანია თანხმდება, რომ შიდა-წვის ძრავების დრო წარსულს ბარდება. "ტოიოტა" 2050 წლისთვის შიდა-წვის ძრავების წარმოების აღმოფხვრას გეგმავს და აქცენტს ჰიბრიდულსა და წყალბადზე მომუშავე ავტომობილებზე აკეთებს.

"შელი" კი ცდილობს ნავთობის ბიზნესიდან საერთოდ გავიდეს.