ესპანეთის პრიმერადივიზიონში 23-ე ტური ბარსელონა-ლეგანესის შეხვედრით დასრულდა.

ნოუ კამპზე გამართული მატჩი ბარსასთვის კარგად დაიწყო. უკვე მეოთხე წუთზე, კატალონელები ლეო მესიმ დააწინაურა. ტაიმი მასპინძლებმა 1-0 მოიგეს.

71-ე წუთზე სტუმრებმა წონასწორობა აღადგინეს, თავი უნაი ლოპესმა გამოიჩინა. მორიგი ქულების დაკარგვისგან, ბარსელონა ლეო მესიმ იხსნა. არგენტინელმა სუპერვარსკვლავმა უკანასკნელ წუთზე, თერთმეტმეტრიანი ზუსტად შეასრულა და თავის გუნდს 2-1 მოაგებინა.

ლუის ენრიკეს გუნდი, 51 ქულით მეორე ადგილზე და ორი ქულით ჩამორჩება, ლიდერ მადრიდის რეალს, თუმცა სამეფო კლუბს ორი მატჩით ნაკლები აქვს ჩატარებული.