მსოფლიოს მასშტაბით თეირანის მიერ ტერორიზმის ხელშეწყობის დასაპირისპირებლად არსებობს საჭიროება შეიქმნას ეფექტური კოალიცია. ამის შესახებ ისრაელის თავდაცვის მინისტრმა,აშშ-ის თავდაცვის მდივანთან შეხვედრისას განაცხადა.

ლიბერმანმა აღნიშნა, რომ ჩრდილოეთ კორეა და ირანი „ბოროტების ღერძის ორი ბოლოა, რომელიც ასევე მოიცავს „ჰეზბოლას“ და ასადის რეჟიმს“.

მეტისი და ლიბერმანი შეთანხმდნენ, რომ უფრო გაბედულად იმოქმედებენ ირანის წინააღმდეგ. შეხვედრისას მხარეებმა აღნიშნეს, რომ აშშ და ისრაელი „ჭეშმარიტი მოკავშირეები“ არიან და „განაგრძობენ თანამშრომლობას, რათა დაიცვან საერთო ინტერესები.” მინისტრების შეხვედრა მიუნხენის უსაფრთხოების კონფერენციის ფარგლებში შედგა.