ერთადერთი სასულიერო პირი, ვინც დეკანოზის დაკავების საქმეზე ღიად საუბრობს, ჭყონდიდელი მიტროპოლიტია. მეუფე პეტრე გამოძიების ვერსიას არ ენდობა და რეზონანსულ საქმეში კათოლიკოს-პატრიარქის მდივან-რეფერენტის კვალს ხედავს.

თუ მეუფის განცხადებებს დავეყრდნობით, შორენა თეთრუაშვილთან დეკანოზს ურთიერთობა მას შემდეგ დაეძაბა, რაც ის ქონების მართვის სამსახურის ხელმძღვანელად დანიშნეს.

მდივან-რეფერენტის განუსაზღვრელ ძალაუფლებასა და ჩრდილოვან მმართველობაზე მეუფე პეტრე დეკემბრის ბოლოს გამართულ სინოდის სხდომამდეც საუბრობდა, თუმცა მაშინდელ სხდომაზე ეს საკითხი არ განუხილავთ.

გურამ როგავა არკვევდა, არსებობს თუ არა საპატრიარქოში შიდა უთანხმოება.