ფარული მიყურადების შესახებ კანონპროექტი კვლავ უთანხმოების საგნად რჩება. მსხვილი მობილური ოპერატორების შემდეგ კანონში შესატან ცვლილებებს ამჯერად მცირე და საშუალო სატელეკომუნიკაციო ოპერატორების ასოციაცია აკრიტიკებს.

გაერთიანება, რომელიც 150-მდე კომპანიას მოიცავს, ბაზრიდან გაქრობის საფრთხეზე საუბრობს. მიზეზად ის პუნქტი სახელდება, რომელიც ოპერატორებს ტექნიკურ-პროგრამულ გადაიარაღებას ავალდებულებს, სხვა შემთხვევაში ფინანსური სანქციებია გათვალისწინებული. ასოციაციის პრეტენზიებს არასამთავრობო სექტორშიც იზიარებენ. არ არის გამორიცხული, რომ პროტესტის შემდეგ სადავო კანონ-პროექტის არსებული ვარიანტში კორექტივები შევიდეს. მმართველმა გუნდმა მობილურ ოპერატორებთან მოლაპარაკებები დაიწყო.