ჰამბურგის აეროპორტში ევაკუაცია გამოცხადდა. მიზეზი სავენტილაციო სისტემაში აირის გაჟონვა გახდა, რის შედეგადაც აეროპორტის ტერმინალში მყოფ მოქალაქეებს ინტოქსიკაცია და თავბრუსხვევა დაეწყოთ.

შედეგად ცხრა ადამიანი საავადმყოფოში გადაიყვანეს, 68 პირს კი გამოკვლევა ჩაუტარდა.

ადგილზე მობილიზებულმა სამართალდამცველებმა ბალონი აღმოაჩინეს, რომელიც, სავარაუდოდ, ცრემლსადენ აირს შეიცავს. ამ ეტაპზე სპეცსამსახურები მომხდარს ტერაქტთან არ აკავშირებენ.

ინციდენტის გამო 13 ავიარეისი გადაიდო.