ბორჯომის მუნიციპალიტეტში, სამართალდარღვევის 15 ფაქტი - არარეგისტრირებული სახერხი საამქროები, დიდი რაოდენობით უკანონოდ მოპოვებული მრგვალი მორი და პირველადი გადამუშავების პროდუქტი გამოავლინეს, ამის შესახებ საზოგადოებრივს გარემოსა და ბუნებრივი რესურსების დაცვის სამინისტროდან აცნობეს.
უწყების ინფორმაციით, მასშტაბური ოპერატიული ღონისძიება გარემოსდაცვითი ზედამხედველობის დეპარტამენტის თანამშრომლებმა, შინაგან საქმეთა სამინისტროს სამცხე-ჯავახეთის პოლიციის დეპარტამენტისა და განსაკუთრებულ დავალებათა დეპარტამენტის თანამშრომლებმა ერთობლივად ჩაატარეს.
„სოფლებში მზეთამზე, საკირე, ყვიბისი და ჭობისხევი, დეპარტამენტის თანამშრომლებმა ამოიღეს და დალუქეს 12 არარეგისტრირებული, ე.წ. "ლენტური ტიპის" სახერხი საამქრო, სადაც განთავსებული იყო უკანონოდ მოპოვებული ხე-მასალა.
გამოვლენილ სამართალდარღვევებთან დაკავშირებით, ადგილზე შედგა შესაბამისი აქტები. ასევე მიმდინარეობს შესაბამისი მოკვლევა სხვა სახის სამართალდარღვევათა გამოსავლენად.
ამოღებული სახერხი დანადგარები გადატანილია ფინანსთა სამინისტროს მომსახურების სააგენტოში" - აღნიშნულია გარემოსა და ბუნებრივი რესურსების დაცვის სამინისტროს ინფორმაციაში.