სახალხო დამცველი მთავრობას ოკუპირებული ტერიტორიების შესახებ კანონში განსახორციელებელ ცვლილებებზე რეკომენდაციით მიმართავს.

ომბუდსმენის ანგარიშში რამდენიმე მნიშვნელოვანი საკითხი მოხვდა, მათ შორის ოკუპირებულ ტერიტორიებზე უცხო ქვეყნის მოქალაქეების ან მოქალაქეობის არმქონე პირების შესვლის შემთხვევაში სისხლის სამართლის პასუხისმგებლობის - ადმინისტრაციულით შეცვლა.

აგრეთვე ოკუპირებულ ტერიტორიებზე არსებული მცირე ბიზნესის მხარდაჭერა, მცხოვრებლებისთვის საქართველოს მოქალაქეობის დამადასტურებელი იურიდიული დოკუმენტის გაცემა და ადამიანის უფლებების მიმართულებით არსებული სხვა ინიციატივები.

მესამე სექტორი რეკომენდაციებს იწონებს, თუმცა რიგ საკითხებში უჩა ნანუაშვილთან კითხვები აქვთ.