მომსახურების ექსპორტის კიდევ ერთი შემთხვევა საქართველოში - „კრედიტ პლატფორმამ“ ევროპაში ქართული ფინანსური სერვისის ექსპორტი დაიწყო.

კომპანიის ცნობით, მათ ბიზნესმოდელს და ინფორმაციულ ტექნოლოგიას ესტონური კომპანია „ლენდიკა“ გამოიყენებს.

იდეა გულისხმობს ყველა მსესხებლისა და გამსესხებლის ერთ სივრცეში მოქცევას. კერძოდ, მომხმარებელი იპოთეკური სესხისთვის საჭირო განაცხადს ავსებს და მას ინვესტორები, კერძო გამსესხებლები, მიკროსაფინანსო ორგანიზაციები და ბანკები განიხილავენ.

შედეგად მომხმარებელი ინდივიდუალურად მისთვის მომზადებულ შეთავაზებებს იღებს.

ქართული კომპანიის ბიზნესმოდელის დანერგვა უკვე ესტონეთში მოხდება.