8 თებერვალი, 2017
•საზოგადოებრივი მაუწყებლის სამეურვეო საბჭო მაუწყებლის გენერალურ დირექტორს ხვალ შეხვდება.
•არასამთავრობო ორგანიზაციები მიიჩნევენ, რომ საზოგადოებრივი მაუწყებლის გენერალური დირექტორის მიერ შემოთავაზებული გეგმა პირდაპირ ეწინააღმდეგება საქართველოს კანონმდებლობას.
•ამ დროისთვის კოსტავას 68 ნომერში მდებარე შენობა-ნაგებობების გასხვისების საკითხი არ განიხილება - განცხადებას ეკონომიკის სამინისტროს სახელმწიფო ქონების ეროვნული სააგენტო ავრცელებს.
•მმართველი გუნდი პრეზიდენტის ვეტოს დასაძლევად ემზადება.
•პლატფორმა „არა ფობიას!“ წევრი არასამთავრობო ორგანიზაციები მანანა კობახიძის კანდიდატურას ეწინააღმდეგებიან.
•საკონსტიტუციო სასამართლოს მოსამართლის თანამდებობაზე მანანა კობახიძის კანდიდატურას დეპუტატები დღევანდელ სესიაზე უყრიან კენჭს.
•ევროპული საქართველო პარლამენტში მისასვლელად ენერგეტიკის მინისტრს ორკვირიან ვადას აძლევს.
•თბილისის მერის დავით ნარმანიას განცხადებით მოსამართლის, ნატა ნაზღაიძის ოჯახს ბიუჯეტიდან მილიონი ლარი სტიქიის შედეგად მიყენებული ზარალის საკომპენსაციოდ, კანონის ყველა ნორმის დაცვით გადაეცა.
•ოკუპირებული ცხინვალის დე-ფაქტო პრეზიდენტის მიერ რეფერენდუმის დანიშვნას არალეგიტიმურს უწოდებს შერიგების საკითხებში სახელმწიფო მინისტრი.
•საქართველოს საგარეო საქმეთა მინისტრი საფრანგეთში ოფიციალური ვიზიტის ფარგლებში ფრანგ კოლეგას შეხვდა.
•ხანძარი რუსთავის გზატკეცილზე - გარდაცვლილია 75 წლამდე მამაკაცი. ცეცხლი გვიან ღამით ბარაკული ტიპის საცხოვრებელ სახლს გაუჩნდა, ასევე იწვოდა მის გვერდით მდებარე შენობის სახურავი. დამწვარია 130- მდე კვ მეტრი ფართი.
•გორში, შინდისის გზაზე, მკვლელობა მოხდა.
•ავტოსაგზაო შემთხვევა ზუგდიდში. სოფელ ცაიშში მდინარე ჯუმზე არსებულ ხიდთან მსუბუქი ავტომობილი მდინარეში გადავარდა.
•სარფის საბაჟო გამშვებ პუნქტზე ყველა სახის ტრანსპორტის გადაადგილება რამდენიმე საათით აკრძალული იყო.
•გარემოსდაცვითი ზედამხედველობის დეპარტამენტის თანამშრომლებმა ფოთში მოქმედი ის ობიექტები შეამოწმეს, რომლებშიც თევზის მოპოვება-გადაზიდვა და გადამუშავება ხორციელდება და შესაძლოა თევზის უსიამოვნო სუნის ატმოსფეროში გაფრქვევის ერთ-ერთ ძირითად წყაროს წარმოადგენდეს.
•ფოთში ნადირობის წესების დარღვევის 72, ხოლო უკანონო თევზჭერის 4 შემთხვევა გამოავლინეს. ამოღებულია სანადირო თოფები, ხმოვანი სიგნალის გამომცემი ელექტრონული მოწყობილობა, სახლართი და ეკრან-ბადე.
•დედაქალაქის მერი მეტროსადგურ „ახმეტელის თეატრის“ სარემონტო სამუშაოებს გაეცნო.
•ბაქსვუდის სკოლის მოსწავლეებს ნიუ იორკში, გაეროს შტაბ-ბინაში, აღმოსავლეთ ევროპის საუკეთესო დელეგაციის ჯილდო გადაეცათ.
•“ეს თბილისია”- ასე ქვია ფოტოგრაფ ბადრი ვადაჭკორიას ახალ ალბომს, რომლის პრეზენტაციაც თბილისის საკრებულოს საგამოფენო დარბაზში გაიმართა.
•პარლამენტის ეროვნული ბიბლიოთეკის საკონფერენციო დარბაზში სამეცნიერო ჟურნალ “გულანის” მეოცე გამოცემის პრეზენტაცია გაიმართა.
•“უცნობი სერგო ქობულაძე”- ასე ქვია წიგნს რომელშიც მეოცე საუკუნის ერთ ერთი გამორჩეული ქართველი ხელოვანის, სერგო ქობულაძის აქამდე უცნობი, გამოუქვეყნებელი ფერწერული და გრაფიკული ნამუშევრებია წარმოდგენილი.