მორიგი ფარული აუდიოჩანაწერი, რომელსაც ისევ უკრაინული პორტალი „უკრაინსკაია რევოლუცია“ აქვეყნებს.

ჩანაწერში, რომელიც უკრაინულმა გამოცემამ გაავრცელა, სავარაუდოდ, ზურაბ ადეიშვილის და ნიკა გვარამიას საუბარი ისმის.

ჩანაწერის ავთენტურობა დადასტურებული არ არის. მასალის მიხედვით, ყოფილი გენერალური პროკურორი და „რუსთავი 2-ის“ გენერალური დირექტორი მოსამართლეებზე საუბრობენ. ნახსენებია მათთვის სამი მილიონი ლარის გადაცემის საკითხი.

ნიკა გვარამია აცხადებს, რომ გავრცელებული აუდიოჩანაწერი დამონტაჟებულია. იგი სახელმწიფო უსაფრთხოების სამსახურს ადანაშაულებს.