ასოცირების ხელშეკრულების გაფორმების შემდეგ, ევროკავშირი-საქართველოს ურთიერთობაში ახალი ისტორიული ნაბიჯი გადაიდგა. ევროპარლამენტის გადაწყვეტილებით, ჩვენი ქვეყნის მოქალაქეები ევროპის 30 სახელმწიფოში უვიზო რეჟიმით ისარგებლებენ. ხანგრძლივი პროცესის საბოლოო დასრულებას რამდენიმე ტექნიკური პროცედურის გავლა სჭირდება. მთელი ამ რამდენიმეწლიანი მოლაპარაკებისა და სამოქმედო გეგმით გათვალისწინებული პუნქტების შესრულებას საზოგადოებრივი მაუწყებელი აქტიურად აშუქებდა.

ევროპის დედაქალაქებიდან პირველწყაროდან მოპოვებულ ინფორმაციას ყოველთვის ქეთევან ქარდავა გვაწვდიდა. დღესაც, გასული კვირის მთავარ სიახლეზე ბრიუსელიდან სწორედ ქეთევან ქარდავა ისაუბრებს.