ეს არის ჩვენი ქვეყნის დაფასება და აღიარება, მაგრამ, ამავე დროს, გარკვეული გამოცდაც, " – ასე ეხმაურება საპატრიარქო ევროპარლამენტში მიღებულ გადაწყვეტილებას საქართველოსთვის უვიზოდ მიმოსვლის საკითხთან დაკავშირებით.
გავრცელებულ განცხადებაში ნათქვმია, რომ ხალხმა უნდა იგრძნოს მეტი პასუხისმგებლობა და ვალდებულება, რომ ევროსივრცეში ღირსეულად წარმოაჩინოს თავი, რადგან "ყოველი ჩვენი ქმედება მეტყველებს როგორც ჩვენს პიროვნებაზე, ისე ჩვენს სამშობლოზე".
"ჩვენი ვალია, ვეცადოთ, არა მარტო ჩვენ შევითვისოთ და გამოვიყენოთ ის ღირებული, რითაც ხასიათდება ეს გარემო, არამედ ჩვენი წვლილიც შევიტანოთ მის განვითარებაში; ეს კი შესაძლებელი იქნება, თუ ჩვენს კულტურას, ისტორიასა და ტრადიციებს გავაცნობთ და გავუზიარებთ ევროპას", - აღნიშნულია საპატრიარქოს განცხადებაში.