ვაშინგტონმა ირანს ახალი სანქციები დაუწესა. აშშ-ის ე.წ. შავ სიაში12 ფიზიკური პირი და 13 ორგანიზაცია მოხვდა.

სანქციების დაწესების მიზეზი ირანის მიერ ბალისტიკური რაკეტის გამოცდა გახდა. ვაშინგტონის გადაწყვეტილებას უკვე უპასუხეს თეირანში.

ირანის საგარეო საქმეთა მინისტრის განცხადებით, შტატების იმ მოქალაქეებისა და ორგანიზაციების წინააღმდეგ, რომლებიც რეგიონში ექსტრემისტულ დაჯგუფებებს ეხმარებიან, საპასუხო შეზღუდვები დაწესდება.

გაეროს რეზოლუცია ირანს მსგავსი ტიპის ექსპერიმენტების ჩატარების შეწყვეტას ავალდებულებდა, თუმცა 1 თებერვალს თეირანმა საშუალო მანძილზე მოქმედების რაკეტა გამოსცადა.