ნაციონალური საკალათბურთო ასოციაციის რეგულარული სეზონი გრძელდება. დღეს, დილით 12-ი შეხვედრა გაიმართა. საინტერესო გამოდგა თიდი გარდენში ბოსტონ სელტიქსის და ტორონტო რეპტორზის მატჩი. ორივე გუნდი აღმოსავლეთ კონფერენციაში მაღალი ადგილის დასაკავებლად იბრძვის. უნდა აღინიშნოს, რომ სტუმრები ბოლო მეოთხედის წინ რვა ქულის სხვაობით იგებდნენ, თუმცა, უკნასკნელ 12 წუთიან მონაკვეთში, ბოსტონელები შეუჩერებლები იყვნენ და საბოლოო 5 ქულის სხვაობით გაიმარჯვეს. ამ წარმატების მთავარი შემოქმედი, აიზია ტომასი გახლდათ. სელტიქსის უკანახაზელმა, 44 ქულა გააკეთა. რეპტორზსს, კაილ ლოურიმ ულიდერა 32 ქულით. თამაშის საფინალო ანგარიშია 109-104 ბოსტონ სელტიქსის სასარგებლოდ. ამ გამარჯვების შემდეგ, ბრედ სტივენსის გუნდი საკუთარ კონფერენციაში მეორე ადგილზე გადავიდა. ტორონტე მესამე პოზიციაზეა.