“სოციალ-დემოკრატები საქართველოს განვითარებისთვის” პარლამენტს საკონსტიტუციო ინიციატივებს სთავაზობს.

გია ჟორჟოლიანის თქმით, კონსტიტუციაში არსებული ჩანაწერი, რომლის მიხედვითაც, გადასახადების გაზრდა ან დამატება მხოლოდ რეფერენდუმის გზით არის შესაძლებელი, უნდა გაუქმდეს.

ჟორჟოლიანის აზრით, კონსტიტუციაში ასევე უნდა ჩაიწეროს, რომ ყველა ადამიანს აქვს საცხოვრისის უფლება, ეს ჩანაწერი ხელისუფლებას აიძულებს აწარმოოს შესაბამისი საბინაო პოლიტიკა.

გია ჟორჟოლიანის ინიცატივას საფინანსო- საბიუჯეტო კომისიის თავმჯდომარე ეხმაურება. მისი თქმით, აღნიშნული მუხლის კონსტიტუციიდან ამოღება ან “ეკონომიკური თავისუფლების აქტის გაუქმება” ინვესტორებისთვის არასწორი სიგნალის მიმცემი შეიძლება აღმოჩნდეს.