კომპანია “მანის“ ახალი ავტობუსები ხვალიდან ნომერ 37 მარშრუტზე იმოძრავებს. სადგურის მოედანი-აეროპორტის მიმართულებით 10 ახალი ავტობუსი ივლის.

ამავდროულად, აღდგება ღამის რეისებიც. 23 საათიდან დილის 7 საათამდე პერიოდში, პირველ ეტაპზე 90-წუთიანი ინტერვალით თითო ლურჯი ავტობუსი იმუშავებს.

მგზავრობის საფასური დღე-ღამის საათებში ერთნაირი და სტანდარტული, 50 თეთრი იქნება. ასევე, ძალაში დარჩება მერიის მიერ დაწესებული შეღავათებიც. ხაზზე ამ დრომდე მოძრავი „ბოგდანის“ მარკის პატარა ავტობუსები, ტექნიკური შემოწმებისა და რემონტის შემდეგ, იმ მარშრუტებს დაემატება, სადაც ავტობუსების ნაკლებობაა.