იანვარი 31, 2017
31 იანვარი, 2017
ბათუმში ამ დროისთვის აღარ თოვს, თუმცა ქალაქის ქუჩებში გადაადგილება, ძლიერი ყინვის გამო, ისევ გართულებულია.
წუხელ მინუს სამი გრადუსი დაფიქსირდა. ცენტრალურ ქუჩებში მუნიციპალური ავტოტრანსპორტი მოძრაობს, თუმცა კვლავ არ გაწმენდილა გარეუბნები და მეორეხარისხოვანი ქუჩები, რაც მოსახლეობას დამატებით პრობლემებს უქმნის.
ბათუმის მერიაში კი ამტკიცებენ, რომ მოყინულ გზებზე მთელი ღამის განმავლობაში იყრებოდა ტექნიკური მარილი, მუშაობდა სპეცტექნიკაც, ეტაპობრივად გაიწმინდება გარეუბნებიც.
თოვლია მთელი აჭარის მასშტაბით, ბათუმის საჯარო სკოლებში სასწავლო პროცესი განახლდა, თუმცა მუნიციპალიტეტების მაღალმთიან სოფლებში სწავლა შეწყვეტილია.
მაჩვენე მეტი