6 ათასი ლარი კომპენსაცია დაუდგინა უზენაესმა სასამართლომ ავთო კვარაცხელიას, სამკერვალო ფაბრიკა «ამირანის» ყოფილ დირექტორსა და მეწილეს, რომელსაც, სხვა 200-მდე აქციონერთან ერთად, საწარმო ყალბი სისხლის სამართლის საქმის საშუალებით წაართვეს და 7 წელიც მიუსაჯეს, ხოლო ფაბრიკის 1 ჰექტარი მიწა გმირთა მოედანზე და ამავე ფართობის შენობა «ქართუ ბანკს» 300 ათას ლარად მიჰყიდეს. სასამართლომ კვარაცხელია უდანაშაულოდ ცნო და პროკურატურაშიც უკვე 13 წელია აღძრულია საქმე საწარმოს ხელოვნურად გაკოტრებაზე, თუმცა ქონების დაბრუნების საკითხი დღის წესრიგში მაინც არ დგება. აქციონერები მიზეზად ბიძინა ივანიშვილის ხელისუფლებაზე გავლენას მიიჩნევენ და სამართლიანობის აღდგენას ითხოვენ.

აკაკი გოგიჩაიშვილი, გიორგი დულარიძე, ნონა მიქიაშვილი