კომპანია "ტოშიბა" კომპიუტერებისა და სმარტფონების მეხსიერების ჩიპების წარმოების ნაწილობრივ გაყიდვას აპირებს. კომპანიამ სერიოზული დანაკარგები განიცადა შტატების ბაზარზე ბირთვული ელექტროსადგურის ბიზნესში წამგებიანი გარიგების გამო, რაც, შესაძლოა, 6 მილიარდი დოლარი დაუჯდეს და რის გამოც გასული წლის დეკემბრიდან დღემდე, "ტოშიბას" აქციები უკვე 45 პროცენტით გაუფასურდა.

გავრცელებული ინფორმაციით, ზარალის დაბალანსებას "ტოშიბა" ჩიპების ბიზნესის 20 პროცენტის გაყიდვით აპირებს, რასაც კომპანია, სვარაუდოდ, მალე დაადასტურებს.

"ტოშიბას" ჩიპების წარმოება მსოფლიოში სიდიდით მეორეა, ის მხოლოდ "სამსუნგს" ჩამორჩება და მისი ღირებულება 9-დან 13 მილიარდ დოლარად არის შეფასებული.