კასპში მიკრობიოლოგიური საწარმო ფუნქციონირებს, სადაც მინერალური სასუქები იწარმოება. ობიექტი რამდენიმე თვეა რაც გაიხსნა და ქართულ ბაზარს უკვე მიაწოდა 1 500 ტონაზე მეტი სასუქი.

პროდუქცია ასევე გადის ექსპორტზე გერმანიაში, თურქეთში, ყაზახეთსა და ბულგარეთში. წარმოების პროცესს დღეს სოფლის მეურნეობის მინისტრი დაესწრო.

დღეისთვის დასაქმებულია 120 ადამიანი, რომელთაგან 65 ადგილობრივია. კომბინატის სრულ საწარმოო სიმძლავრეებზე გასვლის შემდეგ კი დამატებით 250 სამუშაო ადგილის შექმნა იგეგმება.