ზაზა ფაჩულიას 14 ქულა, 5 მოხსნა 2 ჩაჭრა და „გოლდენ სტეიტის“ მორიგი დამაჯერებელი გამარჯვება „ენ-ბი-ეის“ რეგულარულ ჩემპიონატში.

„უორიორზმა“ სტუმრად „ორლანდო მეჯიკი“ 20 ქულის სხვაობით 118-98 დაამარცხა. საქართველოს ნაკრების კაპიტანმა ტყორცნები მაღალი სიზუსტით განახორციელა. ზაზამ რვიდან შვიდი ორქულიანი ჩააგდო. მატჩის ბომბარდირი, 27 ქულით, სტეფ კარი გახდა. „გოლდენ სტეიტს“ მიმდინარე სეზონში ჩატარებული 44 მატჩიდან, 38 მოგება და მხოლოდ 6 მარცხი აქვს. სტივ კერის გუნდი, მთლიანად ჩემპიონატის ლიდერია. „ოკლენდელები“ მორიგ შეხვედრას, ხვალ, ასევე სტუმრად, „მაიამი ჰიტის“ წინააღმდეგ ჩაატარებენ.