„გაზპრომთან“ მიღწეულ შეთანხმებას კვლავ მწვავედ აკრიტიკებენ ოპოზიციაში. „ნაციონალური მოძრაობა“ დღეს რეზოლუციას შეიმუშავებს, რომლის მიხედვითაც, ოპოზიცია გრიფით საიდუმლოს მოხსნას მოითხოვს.

საპარლამენტო უმცირესობაში აცხადებენ, რომ რუსულ ენერგოგიგანტთან შეთანხმებას ქართული მხარე არ უნდა დათანხმდეს. ისინი კალაძეს პარლამენტში მისვლას და კითხვებზე პასუხის გაცემას სთხოვენ.

საპირისპირო მოსაზრება აქვთ საპარლამენტო უმრავლესობაში. დეპუტატები ოპოზიციის მხრიდან გამოთქმულ კრიტიკას პოპულისტურს უწოდებენ.