ისრაელის სამხრეთში, ნეგევის რეგიონში, ბედუინების დასახლების აღების დროს მომხდარ დაპირისპირებას ორი ადამიანის სიცოცხლე ემსხვერპლა.

ისრაელის მოქალაქე, არაბული წარმოშობის მამაკაცი ავტომობილით ისრაელის პოლიციის თანამშრომლებს შეეჯახა და ერთი სამართალდამცველი მოკლა.

შემთხვევის დროს ავტომობილის მძღოლს პოლიციამ ცეცხლი გაუხსნა, რის შემდეგაც მძღოლი დაიღუპა.

ისრაელის პოლიცია ბედუინების დასახლების დემონტაჟს სასამართლოს განჩინების საფუძველზე ახორციელებდა, რასაც ადგილობრივების პროტესტი მოჰყვა.