გაეროში შეერთებული შტატების მუდმივი წარმომადგენელი სამანტა პაუერი რუსეთს მსოფლიო წესრიგის დარღვევაში ადანაშაულებს.

უფლებამოსილების ამოწურვამდე სიტყვით ბოლოჯერ გამოსვლისას ელჩმა აღნიშნა, რომ რუსეთი შეერთებული შტატების წინაშე არსებული მთავარი გამოწვევაა.

მისი თქმით, აგრესიული და დესტრუქციული ქმედებები საფრთხეს უქმნის ამერიკულ ფასეულობებს, უსაფრთხოებასა და ქვეყნის განვითარებას, რაც, თავის მხრივ, მჭიდრო კავშირშია მსოფლიო წესრიგთან, რომლის შესუსტებასაც მოსკოვი ცდილობს. მაგალითისთვის კი სამანტა პაუერი უკრაინასა და სირიის მთავრობის მხარდაჭერას ასახელებს, ისევე როგორც შეერთებული შტატების საპრეზიდენტო არჩევნებში ჩარევის მცდელობას.