,,ნაციონალურმა მოძრაობამ” კი 20 იანვრის ყრილობისთვის დელეგატების შერჩევა უკვე დაასრულა.
ნინო კალანდაძის ინფორმაციით, ყრილობაზე პოლიტიკური საბჭოს ახალ შემადგენლობას და მის თავმჯდომარეს აირჩევენ. რაც შეეხება ყრილობის ფორმატს: აქცენტი პოლიტიკური ლიდერების გამოსვლას დაეთმობა.
როგორც კალანდაძე ამბობს, ყრილობაზე დასწრების მსურველთა სიმრავლის გამო, დღეიდან პარტიის ცენტრალურ ოფისში და სააკაშვილის საპრეზიდენტო ბიბლიოთეკაში მოსაწვევებს დაარიგებენ.
ამ დრომდე უცნობია ვანო მერაბიშვილის პოზიცია. პატიმრობაში მყოფი ყოფილი მინისტრი პარტიის გენერალური მდივნის პოსტს იკავებს. როგორც დღეს ხდება ცნობილი, ამ თანამდებობაზე სხვა პირს არ აირჩევენ.
განცხადებები კეთდება საპარლამენტო ფრაქციაზეც. ,,ნაციონალურ მოძრაობაში” განმარტავენ, რომ პარტიას ფრაქცია აუცილებლად უყოლება.