უკრაინის პრეზიდენტი პეტრო პოროშენკო აშშ-ის ახალ ადმინისტრაციასთან ეფექტურ თანამშრომლობას მოელის. „მზად ვართ ეფექტური და ნაყოფიერი თანამშრომლობისთვის ახალ ადმინისტრაციასთან“, - განაცხადა პოროშენკომ კიევში ვიზიტით მყოფ აშშ-ის ვიცე-პრეზიდენტ ჯოზეფ ბაიდენთან ერთობლივი პრესკონფერენციის დროს.

ბაიდენმა, თავის მხრივ, ასევე გამოხატა ნაყოფიერი თანამშრომლობის იმედი. „იმედი მაქვს, რომ ახალი ადმინისტრაცია ასევე იქნება თქვენი პროგრესის მხარდამჭერი“, - აღნიშნა ჯო ბაიდენმა. მისი თქმით, „უკრაინის ხელმძღვანელობამ და ხალხმა ქვეყნის საჭიროებები ვიწრო, პირად ინტერესებზე მაღლა უნდა დააყენონ„ „ეს ეხება ყველას - უკრაინის მთავრობის წევრებს, დეპუტატებს, მოსამართლეებს, მედიის წარმომადგენლებს და სამოქალაქო საზოგადოებას“, - დასძინა აშშ-ის ვიცე-პრეზიდენტმა.