უფლისციხის ნაქალაქარის კვლევის დაწყებიდან 60 წლის თავზე, ხელოვნების მუზეუმის საგამოფენო სივრცეში, ყველა ის მნიშვნელოვანი არტეფაქტი გამოიფინა, რომელიც ამ ტერიტორიაზე ჩატარებული არქეოლოგიური გათხრების შედეგად მოიპოვეს.

წარმოდგენილი ექსპოზიცია ძვ.წ მეოთხე საუკუნის მეორე ნახევრიდან ახ.წ მეთვრამეტე საუკუნის ჩათვლით, საყოფაცხოვრებო, სამშენებლო, სარიტუალო და სახელოვნებო ექსპონატებს მოიცავს.

გამოფენა დღეს გაიხსნა და დამთვალიერებელს ორი დღის განმავლობაში უმასპინძლებს.