დიდი ბრიტანეთის პრემიერმინისტრი ტერეზა მეი ე.წ. ბრექსიტის საკითხზე და მომავალი გეგმების შესახებ სიტყვით გამოსვლას, სამშაბათს გეგმავს.
სწორედ ორ დღეში გახდება ცნობილი, თუ რა გზა აირჩია ქვეყნის ხელისუფლებამ ბრიუსელთან მოლაპარაკებებისთვის. იმ შემთხვევაში თუ დიდ ბრიტანეთს საიმიგრაციო კონტროლის მექანიზმების დაბრუნება სურს, მას ევროკავშირის ერთიანი ბაზრის დატოვება მოუწევს. ლონდონი იძულებული იქნება გავიდეს ერთიანი საბაჟო კავშირიდანაც თუ ისეთ ქვეყნებთან როგორიცაა ახალი ზელანდია, სავაჭრო ხელშეკრულებას გააფორმებს.
ტერეზა მეიმ საჯარო განმარტებების გაკეთება პარლამენტის მოთხოვნის საფუძველზე გადაწყვიტა. თუმცა ვადაზე ადრე ლონდონის მიერ ბრექსიტის ყველა პირობის გასაჯაროებას, ბრიუსელთან უპირატესობის შენარჩუნების მიზნით საჭიროდ არ მიიჩნევს.