ქარელისა და გორის მუნიციპალიტეტებიდან 56 ბავშვი საგარეო საქმეთა სამინისტროს ეწვია, სადაც მათ საყვარელი ზღაპრის გმირები და სანტა კლაუსი დახვდნენ.

საახალწლო წარმოდგენის დასასრულს ბავშვებს ნიუ იორკში საქართველოს გენერალური საკონსულოსა და ქართული დიასპორის წარმომადგენლების მიერ სპეციალურად მათთვის შეგროვებული საჩუქრები გადასცეს.

საგარეო საქმეთა სამინისტრო საოკუპაციო ხაზთან მცხოვრები ბავშვებისთვის უკვე მეოთხე წელია სისტემატურად აწყობს აქტივობებს და ყოველ წელს მათ სხვადასხვა ღონისძიებაზე მასპინძლობს.