საპარლამენტო უმცირესობა ენერგეტიკის მინისტრს პარლამენტში კიდევ ერთხელ იბარებს. ,,ევროპულ საქართველოში” გადანაცვლებული ოპოზიცია კახა კალაძეს განმარტებებს ,,გაზპრომთან” გაფორმებული ხელშეკრულების შეცვლის გამო სთხოვს.

დეპუტატებს აინტერესებთ, რატომ დათანხმდა ქართული მხარე რუსული ენერგოგიგანტის იმ პირობას, რომლის მიხედვით, საქართველო რუსეთიდან სომხეთში გაზის ტრანზიტში, ბუნებრივი აირის ნაცვლად, თანხას მიიღებს.

ოპოზიციას კითხვები აქვს თანხის რაოდენობაზეც. უმცირესობისგან განსხვავებით, მინისტრის დაბარების აზრს ვერ ხედავს მმართველი გუნდი.

პარლამენტში მისვლასთან დაკავშირებით, თავად კალაძის პოზიცია ჯერ უცნობია.