საქართველოში ფასიანი ქაღალდებით ანგარიშსწორების სისტემის რეფორმა იწყება. დღეს ეროვნული ბანკის პრეზიდენტმა და საფონდო ბირჟის გენერალურმა დირექტორმა ხელშეკრულება გააფორმეს და პროექტის საორგანიზაციო საბჭოს პირველი შეხვედრაც გამართეს.

პროექტი ითვალისწინებს ეროვნული ბანკის ფასიანი ქაღალდების სისტემის განახლებას და მასში საფონდო ბირჟის შვილობილი კომპანიის, საქართველოს ფასიანი ქაღალდების ცენტრალური დეპოზიტარის ჩართვას.

პროექტის დასრულებისთანავე საქართველოში გამოშვებული ნებისმიერი ტიპის ფასიანი ქაღალდით ანგარიშსწორება ერთიანი სისტემის მეშვეობით იქნება შესაძლებელი.