გრძელდება საკალათბურთო ევროლიგის გათამაშება. გუშინ მე-17-ე ტურის ოთხი შეხვედრა გაიმართა. ჩვენთვის განსაკუთრებულ ინტერესს სტამბოლში ჩატარებული შეხვედრა იწვევდა, რომელშიც თორნიკე შენგელიას "ბასკონია" "დარუშაფაკას" ხვდებოდა.

ესპანურმა გუნდმა, სამწუხაროდ, დათმო საგარეო თამაში. თურქებმა გადამწყვეტ უპირატესობას მესამე მეოთხედში მიაღწიეს და შედეგიან თამაშში საბოლოოდ 98-89 გაიმარჯვეს.

"ბასკონიას" ქართველმა ლეგიონერმა 13 ქულა და 4 მოხსნა გააკეთა. ორივე გუნდის შემადგენლობაში, "დარუშაფაკას" ლატვიელი კალათბურთელი დაირის ბერტანსი გამოირჩეოდა 29 ქულით.

შენგელიას გუნდი, ამ წაგების შემდეგ, სატურნირო ცხრილში მეოთხე ადგილზეა. ბასკები მომდევნო თამაშს, კვლავ სტუმრად, ამჯერად პირეოსის "ოლიმპიაკოსის" წინააღმდეგ ჩაატარებენ