პრემიერის მიერ შინაგან საქმეთა მინისტრისთვის მიცემული დავალება არაერთგვაროვანი რეაქციების მიზეზი ხდება.
გიორგი კვირიკაშვილის მიმართვის შემდეგ სამართალდამცველები ვარდების მოედნის ქვემოთ განთავსებული ღამის კლუბებით ინტერესდებიან. მთავრობის მეთაურის ინფორმაციით, მითითებულ ობიექტებზე არასრუწლოვანი გოგონების პროსტიტუციაში ჩართვა ხდება.
ამ თემაზე პრემიერმინისტრს მედიასთან დამატებითი განმარტების გაკეთებაც დასჭირდა. საზოგადოების ერთი ნაწილის მხრიდან ნეგატიური შეფასებები მოჰყვა განცხადების იმ ნაწილს, რომელიც იმავე ღამის კლუბებში ქართველი მამაკაცებისთვის დაწესებულ შეზღუდვებს და დისკრიმინაციულ მიდგომას ეხებოდა.
არასამთავრობო ორგანიზაციებისა და ოპოზიციის ნაწილისთვის მინისტრთა კაბინეტის ხელმძღვანელის დღევანდელი გამოსვლის შინაარსი გაუგებარია, უფლებადამცველები პრემიერს სხვა პრობლემებით დაინტერესებას სთხოვენ.